Ням гарагийн үүрээр Москва мужийг чиглэсэн дроны халдлага нь сүүлийн жил гаруй хугацаанд тохиосон хамгийн том халдлага болсон гэж ОХУ-ын хэвлэл мэдээллийн хэрэгслүүд дамжуулжээ.
Эх сурвалжуудын мэдээлснээр, Москва орчимд 05 дугаар сарын 17-ны ням гарагийн 03 цаг орчмоос эхлээд халдлага эхэлсэн байна.
Нэг шөнийн дотор Оросын нутаг дэвсгэр дээр Украины 556 дроныг сөнөөсөн гэж ОХУ-ын Батлан хамгаалахын яам мэдэгджээ. Халдлагын гол зорилго нь Москва хотын Капотня дүүрэгт байх Москвагийн газрын тос боловсруулах үйлдвэр байсан гэж албаныхан мэдээлсэн байна. Энэ үйлдвэрт дрон унасны улмаас 12 хүн шархаджээ. Ням гарагт болсон халдлагын улмаас Москва мужийн 3 оршин суугч амиа алдсан байна.
Энэхүү шөнийн халдлага нь 05 дугаар сарын 14-ний өдөр ОХУ Украинд, тэр дундаа Киев хотод пуужингаар 9 давхар орон сууцанд цохилт өгч, 24 хүний амийг хөнөөсний шударга хариу хэмээн Украины Ерөнхийлөгч Володимир Зеленський мэдэгджээ.
Эх сурвалж: ТАСС, ВВС
