Эрдэнэт үйлдвэрийн Оёдлын цех үүсгэн байгуулагдсаны 35 жилийн ойн хүрээнд зохион байгуулагдаж буй Спортын бага наадам өчигдөр “Хангарди” паласт эхэллээ. Тус спортын наадам нь цехийн нийт ажилтнуудын спортын ур чадварыг дээшлүүлэх, нийтийн биеийн тамир, спортыг сурталчлан хөгжүүлэх, хамтын ажиллагаа, багаар ажиллах чадварыг нэмэгдүүлэх зорилгоор зохион байгуулагдаж байгаа. Оёдлын цехийн 120 гаруй ажилтан нийт таван багт хуваарилагдаж, спортын таван төрлөөр гурван өдрийн турш өрсөлдөх юм. Дартс, корнхол, даамны тэмцээнүүд Оёдлын цехийн үндсэн байранд, харин сагсан бөмбөг, волейболын тэмцээнүүд Спорт цогцолборын “Хангарди” паласт тус тус болно.
Тус Спортын бага наадам энэ долоо хоногийн бямба гараг хүртэл үргэлжилж төрөл тус бүрийн шилдэг баг, тамирчдыг шалгаруулан, байр эзлүүлж, алт, мөнгө, хүрэл медаль гардуулах юм.
