БНХАУ-ын Бээжин хот дахь Чинхуа их сургуульд Монгол хэлний судалгааны эрдэм шинжилгээний бага хурал болжээ. Хурлыг Хятадын Монгол хэл бичгийн шинжилгээний нийгэмлэг болон Чинхуа их сургуулийн Хүмүүнлэг ба нийгмийн шинжлэх ухааны дээд зэрэглэлийн судалгааны төв хамтран зохион байгуулсан байна. Хуралд Чинхуа их сургууль, Хятадын нийгмийн шинжлэх ухааны академи, Төвийн их сургууль, Пудан их сургууль, Нанжин их сургууль, Өвөрмонголын их сургууль зэрэг нэр хүндтэй сургуулиудын 70 гаруй эрдэмтэн, судлаачид оролцжээ.
