Дорноговь аймгийн Сайншанд сумын нэгдүгээр сургуулийн зүүн талын “Мандах наран” хорооллын байрнаас хичээлдээ явахаар энэ сарын гуравны өдөр /2023.10.03/ гэрээсээ гарсан 12 настай охин сураггүй алга болж, эрэн сурвалжлах ажиллагааг зохион байгуулж байгаа билээ.
Энэхүү эрлийн ажиллагаанд ОБЕГ-ын дэргэдэх Агаараас эрэн хайх, аврах 111 дүгээр анги оролцохоор болж, өнөөдөр өглөө 07 цагт эрлийн ажиллагаа зохион байгуулж буй Дорноговь аймаг руу хөөрч, 10:20 цагийн орчимд тодорхой маршрутын дагуу эрлийн ажиллагааг эхлүүлжээ. Тухайн багийн бүрэлдэхүүнд нисгэгч инженер, цагдаагийн алба хаагчид багтсан байна.
