ОХУ дотоодын бензин, дизель түлшний хангалт, ханшийг тогтворжуулах зорилгоор экспортоо түр хугацаагаар зогсоолоо. Экспортын хориг шийдвэр гарсан өдрөөс буюу 2023 оны есдүгээр сарын 21-нээс эхлэн үйлчлэх бөгөөд хэзээ дуусах нь тодорхойгүй байна. Уг хориг нь Оросын тэргүүлдэг Евразийн Эдийн Засгийн Холбооны гишүүн орнууд болох Беларус, Казахстан, Армени, Киргизстан улсуудад үйлчлэхгүй юм байна.
Мөн засгийн газар хоорондын гэрээний дагуу хүмүүнлэгийн тусламжид хамаарах бензин түлшний экспортыг хориглоогүй байна. Монгол Улсын хувьд энэ хоригт орохгүй гэдгийг ОХУ-ын тал нотолжээ.
