Монгол Улсын Шинжлэх Ухааны гавьяат зүтгэлтэн, академич, Цэргийн Шинжлэх ухааны доктор, профессор, дэслэгч генерал Ш.Арвайн нэрэмжит, Цэргийн гавьяаны одонт Хилийн цэргийн 0108 дугаар ангийн хамт олон “Тэрбум мод” үндэсний хөдөлгөөн, Хил хамгаалах байгууллагаас дэвшүүлсэн “Ногоон хэрэм-II” хөтөлбөр, Дорноговь аймгийн Засаг даргын “Ухаалаг хот, ногоон Дорноговь” хөтөлбөрийн хүрээнд Замын-Үүд суманд анх удаа агропаркийг шинээр байгуулжээ.
Агропаркт 5 настай хайлаас мод 750, нэг настай агч мод 100, жигд мод 150, улиас модны мөчрийн суулгац 700, ширгэсэн нуурын хойд хэсэгт бургас 1200, ангийн байрлалд 5 настай хайлаас мод 750, хоёр настай хайлаас мод 200, хүлэмжид 3,5 кг хайлаас модны үрийн тарилтыг хийгээд байгаа юм байна.
