Японы мэргэжлийн сүмогийн тавдугаар сарын башёгийн эхний зургаан өдрийн дараах байдлаар их аварга Тэрүнофүжи Г.Ган-Эрдэнэ өвдөг шороодолгүй тэмцээнийг тэргүүлж байна. Сэкивакэ Кирибаяма Б.Лхагвасүрэн өнөөдөр учраагаа давснаар таван даваа, нэг унаатай тэмцээнийг үргэлжлүүлж байгаа бол сэкивакэ Хоошорюү С.Бямбасүрэн өнөөдөр сэкивакэ Дайэшод өвдөг шороодсоноор дөрвөн даваа, хоёр унаатай болоод байна. Маэгаширагийн зүүн жигүүрийн 11-ээс босож барилдаж буй Хокүсэйхо А.Даваанинж таван даваа, нэг унаатайгаар тэмцээнийг хошуучлагчдын хоёрдугаар эгнээнд бичигдэж байна.
Тамаваши Б.Мөнх-Оргил, Дайшохо Ч.Шижирбаяр нар нэг даваа, таван унаатай болжээ. Харин Чоёошома Г.Мөнхсайхан өнөөдөр учраагаа давснаар даваа унаа тэнцүү болоод байна.
