Ковидын үед Эрээн-Улаанбаатарын хооронд 1м/куб ачааны тээврийн хөлс 3000 юань хүрч тэнгэрт хадаж байсан. Дунджаар 1 чингэлэгт 64м/куб ачаа ордог гэж үзвэл тухайн үеийн ханшаар тээврийн хөлс нь 192000 юань буюу=86 сая 400.000 төгрөгт хүрч байв. Харин хил нээгдсэнээр Эрээнээс Улаанбаатар хүртэлх чингэлэг тээврийн хөлс өнөөдрийн ханшаар 3 сая 900.000 төгрөг болж 20 дахин буураад байна. Өөрөөр хэлбэл 1м/куб ачаа Эрээнээс Улаанбаатар хот хүртэл одоо 112 юаний ханштай байгаа нь цар тахлын өмнөх үеэс ч 50 хувиар буурсан гэсэн үзүүлэлт юм. Учир нь 2019 оны есдүгээр сард тээврийн үнэ ханш Эрээн Улаанбаатарын хооронд 1м/куб нь 220-250 юань байжээ.
