Ерөнхийлөгч асан Х.Баттулгын гэгдэж буй Ардчилсан намын удирдлагууд 21 аймаг 330 сум, 9 дүүргийн намын болон ХЭГ-ын дарга нартай өнөөдөр цахим уулзалт хийсэн талаараа албан ёсны хуудастаа мэдээлжээ. Тэд 21 аймаг, 330 сум, 9 дүүргийн намын болон ХЭГ-ын дарга нартай цахим уулзалт зохион байгуулсан аж. Уулзалтаар Үндсэн хуулийн нэмэлт өөрчлөлтийн талаар намын гишүүдийн дунд явуулж буй санал асуулгын тухай хэлэлцэж санал солилцсон байна. Мөн маргааш буюу 07 дугаар сарын 02-ны өдөр иргэн С.Эрдэнийн зүгээс зохион байгуулах Их хуралд Ардчилсан намын гишүүд оролцохгүй болохоо цахим хурлын үеэр албан ёсоор мэдэгджээ. Уулзалтад, Ардчилсан намын Ерөнхий нарийн бичгийн дарга И.Мөнхжаргал, УИХ-ын гишүүн асан Я.Санжмятав, ҮБХ-ны гишүүн П.Нүрзэд, Намын байгуулалтын газрын дарга Ж.Өнөржаргал, Улс төр, бодлогын газрын дарга Д.Бат-Од болон Ардчилсан намын анхан, дунд шатны намын удирдлагууд тус тус оролцлоо хэмээн мэдээллээ.
Тэд иргэн С.Эрдэнэ нь “Ардчилсан намын XIV их хурал”-ыг зарласан тухай мэдээ, мэдээллийг олон нийтийн сүлжээгээр түгээж байгаа нь дүрмийн бус, хууль бус үйл ажиллагаа юм хэмээн үзэж байгаагаа илэрхийлжээ.
