Монголын шилдэг боксчин, Монгол Улсын гавьяат тамирчин, ДАШТ-ий хүрэл медальт, Үндэсний шигшээ баг, ШШГЕГ-ын харьяа “Сүлд” спорт хороо болон Ажнай корпорацийн тамирчин Э.Цэндбаатар олимпийн наадмын боксын спортын төрлийн эрэгтэйчүүдийн 57 кг-ийн жинд хүрэл медалийн болзол хангах тулаанд ОХУ-ын Альберт Ханбулатович Батыргазиевд 3:2 харьцаагаар ялагдаж тэмцээнээ өндөрлүүлсэн.
Манай тамирчин эхний хоёр үед ялж байсан хэдий ч эцсийн мөчид шүүгчийн алдаатай шийдвэрээр ялагдал хүлээлээ гэж бокс сонирхогчид үзэж байсан юм.
Тэгвэл манай олимпийн хороонд Э.Цэндбаатарын тоглолтын шүүлт алдаагүй гэсэн хариу бичиг ирүүлжээ.Зургаан шалгагч, ОУОХ-ны эксперт нийт долоон хүн шалгаад шүүлт асуудалгүй гэж дүгнэжээ. Шалгалтын дүнг хоёр аудитор бас хянасан байна.
