“Эрдэнэс Монгол” нэгдлийн Гүйцэтгэх захирал Б.Даваадалай Moody’s Ratings агентлагийн Sovereign Risk Group-ийн Дэд Ерөнхийлөгч Мартин Петч, Гүйцэтгэх захирлын орлогч Жин Фан нарыг хүлээн авч уулзлаа.
Засгийн газрын шийдвэрийн дагуу “Эрдэнэс Монгол” нэгдлийг “Чингис хаан баялгийн сан нэгдэл” болгон шинэчилж, Үндэсний баялгийн сангийн менежмент, хөрөнгийн удирдлагын чиг үүргийг хэрэгжүүлэхээр ажиллаж байгааг танилцууллаа.
Moody’s Ratings агентлаг нь дэлхийн хамгийн нөлөө бүхий зээлжих зэрэглэл тогтоогч гурван агентлагийн нэг бөгөөд үндэсний баялгийн сангуудтай хамтран ажилладаг. Мөн төрийн өмчит компаниудын засаглал, эрсдэлийн удирдлага, санхүүгийн тогтвортой байдлыг үнэлэх чиглэлээр олон улсад зөвлөмж өгдөг.
Үндэсний баялгийг олон улсын жишгээр удирдах, төрийн өмчит компаниудыг илүү үр ашигтай, өрсөлдөх чадвартай болгох шинэчлэлийн замд хамтын ажиллагааны бас нэгэн чухал гүүр тавигдлаа.
