Канадын Ванкувер хот түгжрэлийг бууруулахын тулд замаа өргөсгөхөөс илүүтэй иргэдийн амьдрах орчныг өөрчилжээ.
Тус хот “Complete Communities” буюу “Бүрэн хангагдсан хороолол” бодлого хэрэгжүүлж, оршин суугчид ажил, сургууль, дэлгүүр, эмнэлэг, паркаа гэрээсээ ойрхон ашиглах боломж бүрдүүлсэн байна.
Үүний үр дүнд хот өдөр тутмын зорчилтынхоо 66 хувийг алхалт, дугуй болон нийтийн тээврээр хийх зорилтдоо ойртож, Канадын хамгийн тогтвортой тээврийн хэрэглээтэй бүсүүдийн нэг болжээ.
Сонирхолтой нь, сүүлийн 20 гаруй жилд хүн ам болон ажлын байр эрчимтэй өссөн ч хотын төв рүү орж ирэх автомашины тоо нэмэгдээгүй байна.
Энэхүү шийдэл нь түгжрэлийг бууруулах хамгийн үр дүнтэй арга нь шинэ зам барих биш, харин хүмүүсийн өдөр тутмын хэрэгцээг гэрт нь ойртуулах явдал ажээ.
Эдийн засгийн хамтын ажиллагаа, хөгжлийн байгууллага буюу OECD Ванкуверын бодлогыг “хүмүүс амьдрах, ажиллах, үйлчилгээ авах, чөлөөт цагаа өнгөрүүлэх бүх боломжийг нэг орчинд төвлөрүүлсэн, явган болон нийтийн тээвэрт ээлтэй хотын загвар” хэмээн онцолжээ.
