Иран улс бүс нутагт хурцадмал байдлыг зогсоохын тулд дипломат арга замыг эрэлхийлнэ гэсэн байр суурьтай байгаа гэж тус улсын Ерөнхийлөгч Масуд Пезешкиан мэдэгджээ.
Египет болон Турк улсын төрийн тэргүүнүүд, Катарын эмир, Оманы султантай утсаар ярих үеэрээ Масуд Пезешкиан АНУ, Израилтай хийж буй дайныг зогсоохын тулд “боломжит нөхцөлд хүрэхэд бэлэн байгаагийн дээр, Иран улс хэлэлцээнд нээлттэй” хэмээн Махмуд Пезешкиан онцолсон байна.
Түүний өгүүлснээр, “иж бүрэн, шударга хэлэлцээр” хийх баримт бичгийн төслийг боловсруулахад ихээхэн хүчин чармайлт гаргаж байгаа гэнэ.
Үүний хариуд Египетийн Ерөнхийлөгч Абдель Фаттах ас-Сиси мусульманчуудын нэгдмэл байдлыг хадгалах нь чухал хэмээн онцлоод, яриа хэлэлцээг тууштай дэмжинэ гэдгээ илэрхийлжээ. Харин Катарын эмир Тамим бен Хамад Аль Тани талууд хэлэлцээр байгуулна гэдэгт найдаж байгаагаа илэрхийлээд, энэ тал дээр хүчин чармайлт гаргана хэмээн амласан байна. Турк улсын ерөнхийлөгч Режеп Тайип Эрдоган хэлэлцээ үргэлжилж байгааг дэмжиж буйгаа илэрхийлсэн бол Оманы султан Хайсам бен Тарек Аль Саид цогц хэлэлцээ хийхэд дэмжлэг үзүүлнэ гэдгээ нотолжээ.
Эх сурвалж: Reuters
