Австри улс Ираны эсрэг цэргийн ажиллагаанд оролцож буй АНУ-ын цэргийн онгоцыг агаарын орон зайгаараа дамжин өнгөрүүлэхгүй байх шийдвэр гаргажээ. Энэ нь төвийг сахисан бодлоготой нь холбоотой гэж Австри улсын Батлан хамгаалах яамны төлөөлөгч Михаэль Бауэр мэдэгдсэн байна.
“Онгоцыг дамжин өнгөрүүлэх хүсэлтийг бидэнд тавьсан ч бид анхнаасаа л үүнийг зөвшөөрөөгүй” гэж тэр бээр мэдэгдсэн байна.
Австри улс 1995 оноос эхлэн төвийг сахих бодлого баримталж байгаа юм. Өмнө нь мөн өөр улс орнууд ч Ираны эсрэг цэргийн ажиллагаанд оролцож буй АНУ-ын цэргийн онгоцыг агаарын хилрүүгээ нэвтрүүлэхгүй гэсэн шийдвэр гаргаж байв. Тухайлбал, Испани улс АНУ-ын цэргийн онгоцыг агаарын орон зайгаараа дамжин өнгөрүүлэхгүй, цэргийн баазаа ашиглуулахгүй гэж мэдэгдэж байсан юм.
Эх сурвалж: Euronews
