Монгол Улсын Улаанбаатар хот БНХАУ-ын Эрээн хот чиглэлийн улс хоорондын зорчигчдын тогтмол тээврийн үйлчилгээг маргааш эхлүүлж байна. Зорчигчид сүүлийн 48 цагийн хугацаанд гарсан /ПГУ/-ын шинжилгээний “сөрөг” хариуг үндэслэн зорчих тасалбарыг захиалж, хилийн хяналт шалгалтаар нэвтрэхдээ “сөрөг” хариуг биедээ тогтмол авч явах юм. Шинжилгээний “сөрөг” хариу байхгүй тохиолдолд хил дээрээс буцах тул хариуцлагатай хандахыг Автотээврийн үндэсний төвөөс анхааруулав. Тасалбарыг: eticket.transdep.mn болон билетийн кассуудаар захиалах боломжтой.
