Зүүнбаян-Ханги чиглэлийн 226.9 км төмөр замын бүтээн байгуулалтын ажлыг найман сарын дотор бүрэн дуусгаж өнөөдөр нээлээ. Энэхүү экспортын шинэ гарцаар Оюутолгойн зэсийн баяжмал, Тавантолгойн коксжсон нүүрс болон экспортын бусад бүтээгдэхүүнийг зах тээвэрлэнэ. Зүүнбаян-Ханги чиглэлийн төмөр зам ашиглалтад орсон нь Замын-Үүд-Эрээний төмөр замын боомт 1956 онд байгуулагдсанаас хойш 66 жилийн дараа орох түүхэн ач холбогдолтой төсөл юм. Хулан тааваараа бэлчих дорнын говьд хөгжлийн галт тэрэг зорчиж эхэллээ. Ханги-Мандалын боомтыг төмөр замаар холбосноор импорт, экспортын бараа бүтээгдэхүүний нэвтрэх хүчин чадал нийт 20 сая тонноор, төмөр замын нийт тээврийн хэмжээ 65 хувиар нэмэгдэж, дэлхийн зах зээлд хүрэх тээвэр 242 км-ээр богиносож, тээврийн өртөг, хугацаа хэмнэгдэх боломж бүрдэнэ.
