Японы мэргэжлийн сүмогийн арваннэгдүгээр сарын тэмцээн кюүшюү башё Фүкүока хотноо 11 дэх өдрөө үргэлжиллээ. Өчигдөр буюу мягмар гарагт сэкивакэ Хоошорюү С.Бямбасүрэн озэки Шодайтай барилдаж ёритаоши мэхээр давснаар тэмцээнийг тэргүүлэгчийн эгнээнд үлдэж чадлаа. Хоошорюү есөн даваа, нэг унаатайгаар маэгашира Охогийн хамт тэмцээнийг хошуучилж байна. Тэрбээр өнөөдөр сэкивакэ Митакэүмитэй барилдана. Комүсүби Кирибаяма Б.Лхагвасүрэн өнөөдөр озэки Такакэйшод өвдөг шороодсоноор зургаан даваа, дөрвөн унаатай болов.
Комүсүби Тамаваши Б.Мөнх-Оргил өчигдөр учраагаа давснаар гурван даваа, долоон унаатай тэмцээнийг үргэлжлүүлж байна. Харин маэгаширагийн баруун жигүүрийн хоёроос босож барилдаж буй Ичиножо А.Ичинноров өчигдөр унаснаар хоёр даваа, найман унаатай болж, энэ сард 50 хувийн амжилтаа үзүүлэх боломжгүй боллоо. Маэшаширагийн баруун жигүүрийн 10-т эрэмбэлэгдсэн Чиёошома Г.Мөнхсайхан учраагаа давснаар дөрвөн даваа, зургаан унаатай, маэгаширагийн баруун жигүүрийн 14-т эрэмбэлэгдсэн Азүмарү С.Тодбилэг учраагаа мөн давж, зургаан даваа, дөрвөн унаатай тэмцээнийг үргэлжлүүлж байна.
