Японы мэргэжлийн сүмогийн ирэх есдүгээр сарын башёгийн оноолт буюу банзүкэ гарчээ. Өнгөрсөн долдугаар сарын башёд түрүүлсэн Ичиножо А.Ичинноров ирэх сард цол нэмэн, маэгаширагийн баруун жигүүрийн хоёроос баруун жигүүрийн комүсүби болжээ. Ийнхүү тэрбээр саняакү буюу өндөр цолонд хүрлээ.
Нагоя башёг их аварга Тэрүнофүжи Г.Ган-Эрдэнэ манлайлан барилдана. Хоошорюү С.Бямбасүрэн баруун жигүүрийн сэкивакэ цолтой барилдах бол, Кирибаяма Б.Лхагвасүрэн баруун жигүүрийн комүсүби, Тамаваши Б.Мөнх-Оргил маэгаширагийн зүүн жигүүрийн гурваас, Чиёошома Г.Мөнхсайхан маэгаширагийн зүүн жигүүрийн 14, Миторюү Б.Төрболд маэгаширагийн зүүн жигүүрийн 16-аас босож барилдахаар эрэмбэлэгджээ.
Жюүрёо зиндааны баруун жигүүрийн хоёрт Азүмарү С.Тодбилэг, наймд Дайшохо Ч.Шижирбаяр, зүүн жигүүрийн 13-т Ошома П.Дэлгэрбаяр нар эрэмбэлэгджээ.
