Иран цөмийн хөтөлбөрөөр хэлэлцээ хийхийг зөвшөөрөх хүртэл тус улсыг бүсэлсэн хэвээр байна гэж АНУ-ын Ерөнхийлөгч Доналд Трамп мэдэгджээ.
“Зарим талаараа бөмбөгдсөнөөс бүслэлт нь илүү үр дүнтэй. Иран цөмийн зэвсэгтэй байж болохгүй” гэж Ерөнхийлөгч Доналд Трамп Axios агентлагт өгсөн ярилцлагынхаа үеэр онцолсон байна.
Түүний өгүүлснээр, Иран бүслэлтийг зогсоохын тулд тохиролцохыг эрмэлзэж байгаа гэнэ.
“Тэд тохиролцохыг хүсэж байгаа. Намайг бүслэлтээ үргэлжлүүлэхийг тэд хүсэхгүй байгаа юм. Харин би бүслэлтээ зогсоохыг хүсэхгүй байна. Учир нь тэдэнд цөмийн зэвсэг байж болохгүй” хэмээн АНУ-ын Ерөнхийлөгч Доналд Трамп мэдэгджээ.
Одоогоор бүслэлтийг үргэлжлүүлэх нь дарамт шахалт үзүүлэх гол хөшүүрэг гэж тэр бээр үзэж байгаа ч Иран буулт хийхгүй бол цэргийн ажиллагааг үргэлжлүүлэхэд бэлэн байгаа аж. Үүнтэй холбоотойгоор АНУ-ын Зэвсэгт хүчний Төв командлал Иранд “богино, хүчтэй” цуврал цохилт өгөх төлөвлөгөө боловсруулжээ.
Эх сурвалж: Axios
