Иранд дахин цохилт өгөх шийдвэр нь АНУ, Ираны хоорондын хэлэлцээ хэрхэн өрнөхөөс хамаарна гэж Ерөнхийлөгч Доналд Трамп мэдэгджээ.
АНУ Иранд дахин цохилт өгөх эсэх талаар сэтгүүлч түүнээс асуухад “Үйл явдал хэрхэн өрнөхөөс хамаарна. Тэд (Ираны эрх баригчид) урт зам тууллаа. Гэхдээ тэд цаашлаад шаардлагатай хэмжээний урт зам туулах уу үгүй юу гэдэг асуулт урган гарна. Одоогийн байдлаар бол тэд цөмийн зэвсэгтэй болохгүй гэдгээ хүлээн зөвшөөрөхгүй бол хэзээ ч тохиролцоонд хүрэхгүй” хэмээн хариулсан байна.
Энд дуулгахад, АНУ, Израил хамтран 02 дугаар сарын 28-ны өдөр Иран руу цохилт өгснөөр өнөөгийн хямрал үүссэн. Үүний улмаас АНУ, Израилын цохилтод өртөн Ираны 2275 хүн амиа алджээ. Сөргөлдөгч талууд 04 дүгээр сарын 11-ний өдөр хэлэлцээ хийсэн ч санал зөрөлдсөний улмаас сөргөлдөөнийг урт хугацаанд зохицуулах тал дээр зөвшилцөлд хүрч чадаагүй юм.
Эх сурвалж: Euronews
