Израил, АНУ Ираны эсрэг дайн эхлүүлсний дараа бараг зогсонги байдалд орсон Орос, Украины хоорондын энхийн хэлэлцээг сэргээхээр Турк улс хүчин чармайлт гаргаж байгаа аж. Энэ талаар Бүгд Найрамдах Турк Улсын Ерөнхийлөгч Режеп Тайип Эрдоган 04 дүгээр сарын 22-ны өдөр НАТО-ийн Ерөнхий нарийн бичгийн дарга Марк Рюттетэй Анкарад уулзах үеэрээ мэдэгджээ.
“Турк улс Украин, Оросын хоорондын дайныг энх тайвнаар дуусаасай гэж хүсэж байгаа. Тиймдээ ч бид хэлэлцээг сэргээж, төрийн тэргүүнүүдийн түвшинд яриа хэлэлцээ эхлүүлэх тал дээр ажиллаж байна” хэмээн Режеп Тайип Эрдоган мэдэгдсэн байна.
Үүнээс өмнө Украины Ерөнхийлөгч Володимир Зеленський Орос, Украины төрийн тэргүүнүүдийн хэлэлцээг зохион байгуулах хүсэлтийг Туркийн Ерөнхийлөгчид тавьсан талаарх мэдээлэл гарч байв. Украин улс энхийн хэлэлцээг сэргээхэд Турк улс зуучлагчийн үүрэг гүйцэтгэх боломжтой гэж үзэж байгаа аж.
