Дорнод аймгийн Халхгол сумын Ташгай 3 дугаар баг “Арц холбоо уул” гэх газарт /аймгийн төвөөс зүүн урд зүгт 380 км, сумын төвөөс баруун урд зүгт 140 км/-т хээрийн түймэр БНХАУ-аас хил даван орж иржээ.
Дуудлагыг өчигдрийн 12:48 цагт хүлээн авч Зүүн бүсийн төв Дорнод аймгийн Онцгой байдлын газрын Гал түймэр унтраах, аврах 62 дугаар ангиас 1 техник, 11 алба хаагч, сумын ерөнхий зориулалтын мэргэжлийн ангиас 2 техник, 12 алба хаагч, Петро Чайна Дачин тамсаг ХХКомпанийн олборлолтын 21 талбайд хөдөлгөөнтөөр үүрэг гүйцэтгэж байгаа Дорноговь аймгийн Онцгой байдлын газрын 8 алба хаагч, 1 техниктэйгээр нийт 31 алба хаагч, 4 техниктэйгээр унтраахаар ажиллаж байна.
