АНУ-ын Ерөнхийлөгч Дональд Трамп үнийг хянахын тулд газрын тосны нийлүүлэлттэй холбоотой зарим улс орнуудад тавьсан хориг арга хэмжээг цуцлах шийдвэрээ зарлалаа.
“Бид үнийг бууруулахын тулд зарим улс орнуудад газрын тостой холбоотой тавьсан хэд хэдэн хориг арга хэмжээг цуцалж байна. Нөхцөл байдал сайжрах хүртэл үргэлжлүүлэх болно” гэж тэрбээр хэлжээ.
Ерөнхийлөгч Трамп чухам ямар улс орнуудын талаар ярьж байгаагаа дурдаагүй бөгөөд АНУ хориг арга хэмжээг сэргээхгүй байж магадгүйг үгүйсгээгүй. Газрын тосны үнийн өсөлтийг зохиомол гэж нэмж хэлэв.
Ойрх Дорнодын улс орнуудын мөргөлдөөний үеэр дэлхийн газрын тосны үнэ 2022 оны 6 дугаар сарын 17-ноос хойш анх удаа 119 ам.доллароос давсан байна.
АНУ-ын Ерөнхийлөгч Иранд явуулж буй ажиллагаа удахгүй дуусна гэж мэдэгдсэний дараа газрын тосны үнэ 90 ам.доллар болж өөрчлөгдсөн.
“Ройтерс” агентлаг Трампын засаг захиргаа шатахууны үнэ өссөнтэй холбогдуулан Оросын эсрэг газрын тосны салбарт авсан хориг арга хэмжээг цаашид сулруулах талаар судалж байгаа тухай нэрээ нууцалсан эх сурвалж мэдээлсэн гэж мэдэгдсэн байна.
Эх сурвалж: Reuters
