НҮБ-ын Энхийг сахиулах ажиллагаанд цэрэг илгээгч орнуудын Батлан хамгаалахын сайд нарын дээд түвшний уулзалтад Батлан хамгаалахын сайд С.Бямбацогт оролцож байна.
ХБНГУ-д болж байгаа энэ уулзалтад дэлхийн 130 орны 800 орчим төлөөлөгч, 54 улсын Батлан хамгаалахын сайд, дэд сайд оролцож, энхийг сахиулах ажиллагааны ирээдүйн чиг хандлага, улс орнуудын оролцооны талаар хэлэлцэж байна.
Өнөөдрийн байдлаар НҮБ-ын энхийг сахиулах ажиллагаанд манай 900 алба хаагч дэлхийн халуун цэгт үүргээ нэр төртэй гүйцэтгэж, эх орон, ард түмнийхээ нэр төр, итгэлийг дааж яваа билээ. Энэ оролцоог цаашид ч нэмэгдүүлэх болно.
Монгол Улс ЭНХИЙН ТӨЛӨӨ дэлхийн хамтын нийгэмлэгтэй мөр зэрэгцэн зүтгэх болно гэдгээ илэрхийллээ.
