Сонгуулийн ерөнхий хорооноос залуу сонгогчдод зориулсан “Хариуцлагатай сонгогч” хөтөлбөрийг 2022 оноос хэрэгжүүлж байгаа аж. Анх удаа сонгуульд оролцох гэж буй залуу сонгогчдод ардчилал, хүний эрхийг дээдлэх зарчмыг баримтлан, ялгаварлан гадуурхалтгүй, алгачлалгүй, эрх тэгш боломжийг хангах мэдлэг, ойлголтыг өгөх зорилготой уг хөтөлбөрийг улс даяар хэрэгжүүлдэг бөгөөд нийслэл, 21 аймагт сургагч багш бэлтгэсэн байна.
2025 онд “Хариуцлагатай сонгогч” сургалт дөрөвдүгээр сараас эхэлжээ. Сургалт тавдугаар сарын 9-ний өдөр Хөвсгөл, 11-ний өдөр Хэнтий аймагт болжээ.
