НҮБ-аас хоёр жил тутамд шинэчлэн гаргадаг “Цахим засаглалын хөгжлийн индекс”-ээр Монгол Улс 2024 онд 193 орноос 46 дугаар байрт оржээ. Энэхүү мэдээллийг Засгийн газрын хуралдаанд танилцуулсан байна. 2022 онд энэ үзүүлэлтээр 74 дүгээр байрт жагсаж байсан бөгөөд 2024 онд 28 байраар урагшилсан байна. Мөн цахим оролцооны индексээр 193 орноос 37 дугаар байрт оржээ. Энэ нь 2022 оны үзүүлэлттэй харьцуулахад 20 байраар урагшилсан байна.
Ерөнхий сайд Л.Оюун-Эрдэнэ “Цахим яам байгуулахад зардал нэмлээ гэж шүүмжилж байсан. Гэтэл маш амжилттай ажиллаж “И Монголиа” системийг хүн бүрийн хэрэглээ болгож, төрийн олон мэдээлэл нээлттэй боллоо. Монгол Улс цахим засаглалын хөгжлийн индексээр 28 байр урагшиллаа. Үүнийг хийсэн хүмүүстээ талархал илэрхийлье. Одоо дагаад авлигын индекс ч буурах ёстой” хэмээн онцлов.
