Буриад зон олны эрт үеэс хэрэглэж ирсэн хувцас, тухайлбал малгай, дээл, гутал хэдэн зууны өмнөх хийц загвараараа уламжлагдсаар эдүгээ үетэй золгожээ. Буриад хувцасны загвар хийц тодорхой утга санааг илэрхийлдэг бөгөөд дээлийн энгэрийн гурвалсан хослол /сагаалса, лэбшээhэн, тэбхэ/ бэлгэдлийн чанартай утга санааг илэрхийлдэг. БНХАУ-ын Өвөрмонголын Хөлөнбуйрын оёдолчин, буриад дээлийн өвлөн уламжлагч Бүчидтэй “Дайдын дуран” нэвтрүүлгийнхэн уулзаж ярилцжээ.
Тэрбээр буриад дээлийг өвлөн уламжилж, эртний хэв загвараар нь урладаг, удам залгасан оёдолчин аж. ОХУ-ын Буриадад амьдарч уран бүтээлээ туурвидаг БНХАУ-ын Шинхээн нутгаас гаралтай алдарт дуучин Бадамханд Аюушева тэргүүтэй олон алдартан түүгээр буриад дээлээ оёулдаг байна.
