Монгол Улсын Соёлын гавьяат зүтгэлтэн, доктор, профессор, хурандаа, зохиолч, яруу найрагч, Егүзэр хутагт судлаач Д.Цогт-Очир 97 насандаа Дотоод хэргийн их сургуулийн “Хүндэт профессор” цол хүртжээ. “Хүндэт профессор” цол олгох ёслолд Дотоод хэргийн их сургуулийн удирдлагууд, эрдэмтэн судлаачид, сонсогчид, хурандаа, генералууд оролцож, буурал хурандаад хүндэтгэл үзүүлжээ. Мөн саяхан Гандантэгчэнлин хийдийн Дашчойнпэл дацанд Гавжийн хурлаа хуруулж, ном мэтгэлцэж цолоо хамгаалсан Тавдугаар Егүзэр хутагт Данзанлувсанванжал хүрэлцэн ирж хүндэтгэл үзүүлсэн байна.
Д.Цогт-Очир гуай монгол бичгээр бүхий л бүтээлээ бичиж, туурвидаг бөгөөд шавь нартаа ёс зүйн лекц уншиж, олон арван ном бүтээл хэвлүүлжээ.
