БНХАУ-ын Ханжоу хотноо болж буй Азийн пара наадамд эрэгтэйчүүдийн -107 кг жинд Монгол Улсын Хөдөлмөрийн баатар, Гавьяат тамирчин Э.Содномпилжээ 245 кг жинг өргөж мөнгөн медаль хүртлээ. Тэрбээр өөрийн цахим хуудаснаа “Сүүлийн гурван жил шүүгч нарт хийлгээстэй явж байна даа. Яахав тэгэх тусам үзсээр л байх болно” хэмээн бичжээ.
Э.Содномпилжээ энэ оны наймдугаар сарын 17-/31-ний хооронд АНЭУ-д болсон парапауэрлифтингийн ДАШТ-д оролцож -107кг жинд мөнгөн медаль, есдүгээр сарын 11-18-нд Япон улсын Хоккайдод болсон пауэрлифтингийн классик хэвтээ шахалтын Азийн АШТ-д оролцож алтан медаль хүртсэн юм.
