“Хятад орныг танин мэдэх” Өвөрмонголын соёлын өдрүүд энэ сарын 30-наас ирэх есдүгээр сарын 04-ний өдрүүдэд Улаанбаатар хотноо болно. Энэхүү соёлын өдрүүдийн хүрээнд “Зэвсгийн эрдэм” Шаолинь Үшүгийн тусгай тоглолт лхагва гараг буюу наймдугаар сарын 30, 31-ний өдрүүдэд оройн 19:00 цагаас Соёлын төв өргөөнд болох юм байна.
Энэхүү томоохон хэмжээний Үшүгийн тоглолт нь Күнфүгийн сор болсон агуулгыг товчлон харуулж, 60 минутын хугацаанд 32 хувраг жүжигчин тайзнаа сэлгэн гарч, Шаолингийн Жэньшань шийдмийн хамтын үзүүлбэр, Унаган эрдэм, Үлгэрлэн харуулах нударга, Амьсгалын эрдэм, Шаолингийн арван найман төрлийн зэвсэг, Шаолингийн бамбай сэлмэний хамтын үзүүлбэр, Ба Дуаньжинь дасгал, Шаолингийн хоёр хөлчүү эрдэм（Хөлчүү нударга、Хөлчүү сэлэм）зэрэг тоглолтуудыг үзүүлж, Күнфү эрдмийн бясалгалын нударга, зэр зэвсэг, дотоод хүч, арга техникийг уялдуулж, Хятадын уламжлалт Үшүгийн урлагийн гайхамшгийг харуулах ажээ.
Энэхүү тоглолтыг үзэхийг хүсч байвал өөрийн овог нэр, хүчин төгөлдөр бичиг баримтын дугаар болон хэдний өдрийн хэдэн ширхэг тасалбар авах талаараа Улаанбаатар дахь Хятадын соёлын төвийн цахим шуудан болох cccula@chinaculture.org руу илгээж урьдчилан захиалга өгөх боломжтой юм байна. Мөн 2023 оны наймдугаар сарын 30 болон 31-ний өдрүүдэд өглөө 10 цагаас орой 6 цаг хүртэлх хугацаанд хүчин төгөлдөр бичиг баримттайгаа Хятадын Соёлын төв дээр хүрэлцэн очиж тухайн өдрийн тоглолтын тасалбарыг авах боломжтой юм байна. Хятадын соёлын төвийн хаяг Улаанбаатар хот, Сүхбаатарын талбайн зүүн талд “Central Tower”-ийн 7-р давхар.
