Засгийн газрын өнөөдрийн хуралдаанаас Жамбалдоржийн Таныг “Оюутолгой” ХХК-ийн Монголын талын ТУЗ-ийн гишүүнээр томилуулахаар нэр дэвшүүлжээ. Тэрбээр “Эрдэнэс Монгол” ХК-ийн тэргүүн дэд захирлаар ажиллаж байсан юм.
Ж.Тана АНУ-ын Юта мужийн “Васач Академи” бүрэн дунд сургуулийг дүүргэсэн. Харвардын их сургуулийг эдийн засаг, Зүүн Ази судлалаар бакалаврын зэрэгтэй төгссөн. Эдийн засгийн форумын дэргэдэх “Глобал Шэйпэрс” нийгэмлэгийн нэрэмжит тэтгэлгийг хүртэж, Оксфордын их сургуульд бизнесийн удирдлагын магистрын зэрэг хамгаалсан. Үүний дараа “Рио Тинто” компанийн Австрали дахь салбарт ажиллаж байжээ.
Ж.Тана Харвардын их сургуульд бакалаврын зэргээ хамгаалсан анхны монгол төгсөгч юм. Тэрбээр “Монголын залуу оюутан” хөтөлбөр болон “Монгол мөрөөдөл” ТББ-н үүсгэн байгуулагч ажээ.
