3х3 сагсан бөмбөгийн Азийн АШТ Сингапурт үргэлжилж байна. Урьдчилсан шатны тоглолтууд өчигдөр дуусаж, өнөөдрөөс хэсгийн үндсэн тоглолтууд эхэллээ. Манай эрэгтэй шигшээ хэсгийн эхний тоглолтоо Тайванийн эсрэг хийж, хүнд тулааны эцэст 21:19-өөр хожлоо.
3х3 сагсны багт шинээр багтаад буй А.Ананд 10 оноогоор багаа тэргүүлсэн бол Д.Дэлгэрням 8 оноо, 9 самбар авч, багийнхаа ялалтад чухал үүрэг гүйцэтгэв. Манай баг хэсгийн сүүлийн тоглолтоо өнөөдөр 19:55 цагаас талбайн эзэн Сингапурын эсрэг хийнэ. Харин эмэгтэйчүүдийн шигшээ Малайз, Шинэ Зеландын багтай нэг хэсэгт багтаад байна.
