Виртуал дугуйн Улаанбаатар хотын болон Улсын аварга шалгаруулах тэмцээн энэ сард болно. Улаанбаатар хотын аварга шалгаруулах нээлтэй тэмцээн нэгдүгээр сарын 14,15-ны өдрүүдэд Улаанбаатарын цагаар оройн 19:00 цагт МҮОНРТ-ийн “600” студид болох аж. Уг тэмцээнд шилдэг 30 тамирчин нэг дор өрсөлдөх бөгөөд 50-100 хүртэлх үзэгч студид тэмцээнийгүзэх боломжтой юм байна. Энэхүү виртуал дугуйн тэмцээнд дэлхий даяар тархан суурьшсан монгол дугуйчид, дугуйн спортыг сонирхогчид оролцохоор болжээ. Одоогийн байдлаар АНУ, Япон, Австрали, Бельги, БНСУ-аас дугуйчид оролцох хүсэлтээ ирүүлсэн байна.
Энэхүү нээлттэй тэмцээн нь дижитал ертөнцийн давуу талыг ашигласан, дугуйн спортын хурд, хүч, авхаалж самбааг харуулсан, тамирчид, үзэгчдийн хооронд ганцхан метрийн зайтай өрнөх гал халуун тулаан болно гэдгийг зохион байгуулагчид нь онцолж байна. Эхний өдөр буюу нэгдүгээр сарын 14-ний бямба гаргийн 19:00 цагаас эхлэх тэмцээн нь 2015 оны Дэлхийн аварга шалгаруулах тэмцээн болж байсан АНУ-ын Аризона мужийн Ричмонд хотын замд хоёр тойрог буюу нийт 34 км уралдана. Удаах өдөр буюу нэгдүгээр сарын 15-ны ням гаргийн 19:00 цагаас эхлэх тэмцээн нь Zwift ертөнцийн “утопи” арал дээрх “Big Foot Hills” зам дээр тамирчдын хүч, шандасыг 65.7 км замд сорино. Эдгээр тэмцээнүүдэд бэлдэж энэ хагас, бүтэн сайн өдрүүдэд “Сорил 3,4”-үүд дараалан зохиогдох юм байна. Хуваарийг сонирхуулбал, 2022.01.07, Бямба гариг 09:00 (УБ-ын цагаар) “Richmond UCI course” 34 km (2 Тойрог) 2022.01.08 Ням гариг 19:00 (УБ-ын цагаар) “Big Foot Hills” 67 км (1 тойрог)
