Амазоны аварга навч босоо хүнээс том

Хүнээс том хэмжээтэй навчтай мод Амазоны ширэнгэд ургажээ. Энэхүү аварга том навчит модыг эрдэмтэд шинжлэх ухаанд бүртгэгдээгүй шинэ төрөл, зүйл гэж үзжээ. Эрдэмтэд энэ нэн ховор модны талаар хэдэн арван жилийн өмнөөс мэддэг байсан ч түүнийг нарийн судалж, тайлбарлах генетикийн материал байгаагүй аж. Харин 2005 онд хэд хэдэн ургамал судлаач Амазон дахь эртний халуун орны ой болох Жамарийн үндэсний ойд модноос үр цуглуулжээ. Тэд модноос цуглуулсан үрийг тарьж туршжээ. Арван гурван жилийн дараа тарьсагн моднуудын нэг нь цэцэглэж, үр жимсээ өгсөн байна. Ийнхүү Амазоны ширэнгэнд тарьсан үр мод болон ургаж, шинэ төрлийг нэрлэхэд шаардлагатай генетик материалыг өгчээ. Уг модыг эрдэмтэд Coccoloba gigantifolia хэмээн нэрлэсэн байна.