Шинэ коронавирусийн халдвар дэгдэснээс хойш АНУ-ын эрүүл мэндийн салбарт тулгамдаж буй асуудал нь тус улсын хэвлэл мэдээллийн анхаарлын төвд байна. АНУ-д коронавирусийн халдварын тохиолдол болон нас барсан хүний тоо эрчимтэй нэмэгдэж байгаа нь сэтгэл түгшээж буй. Маш олон өвчтөнүүдэд цаг тухайд нь эмчилгээний тусламж үзүүлж чадахгүй байгаа атал нөгөө талаар эмнэлэгүүд эмч, сувилагч нараа ажлаас нь халж эхэлсэн байна.
Тухайлбал, Vox сайтын мэдээлснээр, АНУ-ын ашгийн бус Trum судалгааны байгууллагын дөрөвдүгээр сарын 4-нд нийтэлсэн судалгааны тайлангаас үзвэл, шинэ коронавирусийн дэгдэлтийн эхний нэг сард АНУ-д 43 мянган эмч, сувилагч ажлаасаа халагдсан байна. Өнгөрсөн жилүүдийн тоо баримтаас үзвэл, эдийн засаг хүндрэлтэй үед Америкийн эмч сувилагчид олон тоогоор ажлаас халагдаж байгаагүй, харин энэ удаагийн халдварын үеэр эмч сувилагчдын ажилгүйдлийн хэмжээ 30 жилийн турших шинэ дээд амжилт тогтоосон байна.
“Нью-Йорк таймс” зэрэг хэвлэл мэдээллийн байгууллагуудын шинжилгээний дүнгээс үзвэл, энэхүү гаж үзэгдэл нь эмнэлгийн санхүүд хүндрэл учирсантай холбоогүй гэж хэлэхийн аргагүй гэжээ. Коронавирусийн халдвар өдөр ирэх тусам хүндэрч, Америкийн олон муж улс зарлиг гаргаж, эмнэлгүүдийг яаралтай бус мэс заслаа түр зогсоож, коронавирусийн халдвар авсан өвчтөнүүдэд илүү олон эмчилгээний нөөц бэлдэж өгөхийг шаардсан. Яг ийм нөхцөлд олон эмнэлгийн орлого эрс буурсан байна. Тоо бүртгэлээс үзвэл, эмнэлгүүд бусад төрлийн мэс заслаа зогсоосноос хойш 50 хувийн хохирол амссан байна. Зардлаа бууруулахын тулд эмнэлгүүд ажилтнуудаа түр халахаас өөр аргагүй болжээ. Тиймээс олон тооны эмч, сувилагч нарын цалинг хорогдуулах, ажлаас халах болон ээлжийн амралтыг нь эдлүүлэх зэрэг арга хэмжээ авч байгаа юм байна.
Эх сурвалж: cri.cn
