Төв аймгийн Эрдэнэ сумын 3-р баг, нийслэлийн Налайх дүүргийн 6-р хорооны хилийн зааг Горхи-Тэрэлжийн байгалийн цогцолборт газарт хамаарах Ар мухар гэдэг газарт өнгөрсөн амралтын өдөр ой хээрийн түймэр гарчээ. Иргэдийн санамсар болгоомжгүй байдлаас шалтгаан гарсан энэхүү түймэрт нийт 10 гаруй га газар шатсан байна. Түймрийг одоогоор цурманд оруулаад байна. Энэхүү түймрийг унтраах, цурманаас дахин гал алдахаас сэргийлэхэд Налайх дүүргийн онцгой байдлын хэлтсийн 25, Төв аймгийн Эрдэнэ сумын ЗДТГ-аас 20, Тэрэлжээс 10, хамгаалалтын захиргаанаас 10 гаруй нийтдээ 65 хүн, 10 гаруй машин бие бүрэлдэхүүнтэй ажиллаж байга юм байна. Цаг уурын хуурайшилтай улирал эхэлж байгаа тул иргэдийг хот орчмын ногоон бүсэд аялж зугаалахдаа болгоомжтой байж гал түймрийн аюулаас сэрэмжлэхийг анхааруулж байна.
