Увс аймгийн Мал эмнэлгийн газраас иргэддээ дараах мэдээллийг хүргэж байна. Иргэн та мал эмнэлгийн гарал үүслийн гэрчилгээг тухайн сум дүүргийн мал эмнэлгийн үйлчилгээний нэгжийн эмчээс авна. Мал эмнэлгийн гарал үүслийн гэрчилгээг авахдаа дараах мэдээллүүдийг малын эмчдээ өгнө.Үүнд:
1. Мал, мах авах малчны овог, нэр
2. Малын мэдээлэл (нас, хүйс, зүс, тоо)
3. Малын зураг (бод)
4. Бүтээгдэхүүн бол (төрөл, тоо хэмжээ)
5. Хаашаа (Аймаг, сум, баг, очих эзний нэр, регистр)
6. Тээврийн хэрэгслийн улсын дугаар
7. Хариуцах хүний овог нэр, утасны дугаар зэрэг мэдээллийг үнэн бодитоор нь өгнө.
Хэрвээ гэрчилгээнд заагдсанаас илүү мал болоод бүтээгдэхүүн тээвэрлэх бол тухай бүрт нь дахин гэрчилгээ авахыг анхаарна уу. Гарал үүслийн гэрчилгээний төлбөрийг малын эмчид төлсний дараа гарал үүслийн цахим гэрчилгээний кодыг авна.
Увс аймагт мал эмнэлгийн үйл ажиллагаа явуулдаг аж ахуйн нэгжүүдийн мэдээллийг хүргэж байна.
