Хүн, малын антибиотикийн хэрэглээг багасгахгүй бол энгийн халдвараар олон сая хүн эрсдэх аюултай
Дэлхийн эрүүл мэндийн байгууллага, Нэгдсэн үндэсний байгууллагын Хүнс, хөдөө аж ахуйн байгууллага, Дэлхий мал, амьтны эрүүл мэндийн байгууллагын зүгээс хүн, малын антибиотикийн зохисгүй хэрэглээг багасгахыг уриалж байна. Хэрэв бид бичил биетний эсрэг эм, бэлдмэлийн хэрэглээг багасгахгүй бол нянгийн тэсвэржилт үүсэх бөгөөд үүнээс шалтгаалан антибиотикууд үйлчилгээгүй болж энгийн халдвараар олон сая хүний амь нас эрсдэх аюултай. Антибиотикийг илүү болгоомжтой, зөв хэрэглэх энгийн аргууд олон байдаг. Хүүхдүүд тань таны насанд очих үед антибиотикууд үр дүнтэй хэвээр байх нь малчин, малын эмч танаас ихээхэн шалтгаална.
