Хэнтий аймгийн Засаг дарга Ц.Идэрбат өчигдөр Хэрлэн сумын багуудын гэр хорооллын айл өрхийг инженерийн шугам сүлжээнд холбох ТЭЗҮ боловсруулах ажлын хэсгийг байгуулсан байна. Аймгийн Засаг даргын 2020 оны наймдугаар сарын 19-ний өдрийн А/357-р захирамжаар Гэр хорооллын айл өрхийг инженерийн шугам сүлжээнд холбох асуудлыг судлан инженерийн шугам сүлжээний байршлыг тодорхойлох, зураглал гаргах, ажлын тоо хэмжээ, зургийн даалгаврыг боловсруулах эрх бүхий ажлын хэсгийг холбогдох төр захиргааны болон мэргэжлийн байгууллагуудын төлөөллийг оролцуулан байгуулжээ.
Ингэснээр Хэнтий аймгийн Засаг дарга Ц.Идэрбат Чингис хотын захирагчаар ажиллаж байхдаа гаргасан санаачилгаа ажил хэрэг болгож, 2021-2024 онд Чингис хотын гэр хорооллын айл өрхүүдийг инженерийн шугам сүлжээнд холбох ажлын эхлэлийг тавьж байгаа аж.
