Өмнөговь аймгийн Цогт-Овоо сумын нутаг Нартын ам гэдэг газарт өчигдөр өглөө 03:10 цагийн үед ноцтой осол гарчээ. Тодруулбал, “Хово” маркийн автомашин “Норт бенз” маркийн машинтай мөргөлдөж, “Хово” маркийн машин жолооч, 41 настай Б амь насаа алджээ. Энэхүү ноцтой зам тээврийн ослын шалтгааныг эцэслэн тогтоогоогүй ч жолооч нар өглөө эрт замд явахдаа үүрэглэснээс болсон байх магадлалтай аж. Тиймээс Тээврийн цагдаагийн албанаас хот хоорондын болон орон нутгийн замд тээвэрт явахдаа сайтар унтаж амарч, замд үүрэглэх, анхаарал болгоомж алдагдахаас сэргийлэхийг анхааруулж байна.
