Ливан улс өчигдөр Бейрутын боомтын 7 албан тушаалтны банкны дансыг царцааж, тэдэнд аяллын хориг тавьсан байна. Ливаны мэдээллийн хэрэгслийн мэдээлснээр, Ливаны Үндэсний прокурорын зүгээс мөн өдөр Бейрутын боомтын ерөнхий менежер, Ливаны гаалийн ерөнхий газрын дарга зэрэг 7 хүнд аяллын хориг тавьжээ. Үүний зэрэгцээ Ливаны төв банкны мөрдөн байцаах тусгай зөвлөл, тэдэнтэй шууд буюу дам холбоотой банкны дансыг царцаасан бөгөөд холбогдох банкны нууцыг хамгаалах тогтолцоог цуцлав гэж мэдэгджээ.
Ливаны засгийн газар 5-нд Бейрутэд хоёр долоо хоногийн хугацаатай онц байдал зарлаж, армийн талаас аюулгүйн арга хэмжээг хяналтдаа авч, түүнчлэн Бейрут боомтын 2014 оноос хойших буй бүхий хяналтын болон агуулахын манааны албан тушаалтан нарт хөл хорио зарласан байна.
Бейрутын боомтод энэ сарын 4-ний орой ноцтой дэлбэрэлт болсон юм. Дэлбэрэлтийн улмаас 137 хүн нас барж, 5000 гаруй хүн шархдаж, хэдэн арван хүн сураггүй алга болжээ.
