Friday, March 29, 2024

Авто замын салбарын боловсон хүчнийг чадавхжуулахад онцгой анхаарна

Date:

Зам, тээврийн хөгжлийн сайд Л.Халтар Монголын Авто замчдын холбооны Ерөнхийлөгч Х.Бямбаа тэргүүтэй тус холбооны зарим гишүүдийг хүлээн авч уулзаж, Монгол Улсын Авто замын салбарт тулгамдаж буй асуудлуудын талаар санал солилцлоо.

Монголын Авто замчдын холбооны Ерөнхийлөгч Х.Бямбаагийн зүгээс Монгол Улсын авто замын сүлжээний мэдээллийн нэгдсэн сантай болох, олон улсын тендерт дотоодын компаниудыг түншлэл болгон оролцуулах, авто замын салбарын хөдөлмөрийн аюулгүй байдал, Авто замын тухай хуулийн хэрэгжилтэд анхаарч, хяналт тавьж ажиллах шаардлагатай байгааг онцолж, нэгтгэсэн саналуудаа сайдад хүлээлгэн өгөв.

Зам, тээврийн хөгжлийн сайд Л.Халтар тус холбооны зүгээс тавьж буй дээрх асуудлуудад санал нэгдэж буйгаа дурдаад “Нутгийн зам” хөтөлбөрийг Засгийн газрын үйл ажиллагааны хөтөлбөрт тусгуулахаар ажиллаж буйгаа танилцуулав. Энэхүү хөтөлбөрийн хүрээнд чанар стандартад нийцсэн авто замын сүлжээг өргөтгөх, орон нутагт иргэдийн тав тухыг хангасан хатуу хучилттай болон сайжруулсан шороон зам, авто зам дагуух үйлчилгээний барилга, байгууламжийг холбогдох хууль тогтоомжид заасны дагуу барьж байгуулах хэрэгцээ өндөр байгааг тэмдэглэв. Мөн шинэ төслүүдийг дагасан инженер техникийн мэргэжилтнүүдийн эрэлт хэрэгцээ нэмэгдэх тул авто замын салбарын боловсон хүчнийг чадавхжуулахад сайтар анхаарч ажиллахаа илэрхийллээ.

Түүнчлэн Монгол Улсад сүүлийн жилүүдэд эрчимтэй өрнөж буй шинэ төмөр замын төслийн суурь далангийн ажилд авто замын дотоодын компаниуд гүйцэтгэл сайтай ажиллаж байгааг сайшаагаад цаашид хэрэгжүүлэхээр төлөвлөж буй Сайншанд-Баруун-Урт-Чойбалсан чиглэлийн хэвтээ тэнхлэгийн төмөр замын төсөлд үндэсний компаниудаа дэмжин ажиллахаа тэмдэглэв. Тухайлбал, Үндэсний их бүтээн байгуулалт Тавантолгой-Зүүнбаян чиглэлийн 414,6 километр төмөр замын төслийн хэмжээнд одоогоор дотоодын 50 гаруй авто замын компани туслан гүйцэтгэгчээр ажиллаж байна.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

Share post:

Онцлох мэдээ

Монгол Улсын иргэд 8-аас доош суудалтай машинаар Шинжааны хилийн боомтуудаар нэвтрэх асуудлаар санал солилцжээ

Зам, тээврийн хөгжлийн сайд С.Бямбацогт БНХАУ-ын Шинжаан Уйгурын өөртөө...

Гепатитын D вирусийн халдварын талаар мэдээлэл сонсчээ

Гепатитын D вирусийн халдвартай 66 мянган хүн байна Гепатитын D...

Эрүүл мэндийн цахим шилжилтийг эрчимжүүлэхийг үүрэг болголоо

Монгол Улсын Ерөнхий сайдын захирамжаар байгуулагдсан Ажлын хэсэг Эрүүл...

Замын-Үүд-Эрээн боомтын ачаа тээврийг ирэх  сарын 1-нээс 24 цагаар ажиллуулна

Монгол Улсын Засгийн газраас Боомтын сэргэлтийн хүрээнд хуурай газрын...