АНУ-аас Монгол Улсад суугаа Элчин сайд Майкл Клечески болон ЭСЯ-ны түнш “Гэр өргөө” ТББ-ийн баг Улаанбаатарын гэр хороололд ажиллаж, оршин суугчдад тулгамдаж буй асуудлуудтай танилцжээ. Энэ үеэр АНУ-Монгол Улсын стратегийн түншлэл нийтэд хүртээмжтэй байх тухай ярилцан, “Гэр өргөө” ТББ болон иргэдийн хамтарсан агаарын бохирдол, боловсрол, амьжиргааны түвшнийг сайжруулах чиглэлээр хийж санаачилсан ажлуудтай танилцсан байна. Элчин сайд Майкл Клечески энэ талаараа яамныхаа албан ёсны цахим хуудсанд мэдээлэл тавьж, сэтгэгдлээ хуваалцжээ.
“Гэр өргөө”, “Сохо импакт” зэрэг ЭСЯ-ны түнш ТББ-ууд гэр хорооллын 58-р сургуулийн сурагчидтай хамтран тоглоомон блокоор ханын зураг урлажээ. Уг хөтөлбөр нь тоглоом, дизайныг бүтээлчээр ашиглан хүүхдийг оршин суугаа бүсдээ эерэг өөрчлөлт гаргах санаачлагатай болгоход чиглэсэн байна.
Гэр хороололд ажиллах үеэрээ үзэсгэлэнт Дамбадаржаалин хийдээр зочиллоо. Халуун дулаанаар угтан авч, хийдийн түүхийг хуваалцсан хийдийн хамт олонд баярлалаа. Монголын ардчилсан нийгэмд шашны эрх чөлөө хэрхэн хөгжиж буйг харах бүрт сайхан байдаг.
“Уулын нуур” (Ногоон Нуур) цогцолбор төвийг гэр хорооллын бүсэд оршин суугчидтай хамтран хэрхэн байгуулсан тухай Өлзийгөөс сонсоход сайхан байлаа
Гэр хороололд зочлох үеэрээ АНУ-ын Мянганы Сорилтын Корпораци усны компакт гэрээгээр дамжуулан оршин суугчдад цэвэр усны хүртээмжийг хэрхэн сайжруулах талаар Улаанбаатар хотын Ус сувгийн удирдах газраас мэдээлэл авлаа.
Сонгинохайрхан дүүргийн 31-р хорооны Засаг дарга Г.Бадамцэцэгтэй уулзаж, АНУ-Монгол Улсын стратегийн түншлэлийн үр нөлөө гэр хорооллын оршин суугчдад адил хүртээмжтэй байх талаар ярилцлаа.
Гэр хорооллоор зочилж, оршин суугчдад тулгамдсан асуудал, тэдэнд туслах боломжийн тухай ярилцах боломж олгосон “Гэр өргөө”-гийнхэнд баярлалаа. Боловсрол, агаарын чанарын хүрээнд ЭСЯ-с үзүүлсэн тусламжийн талаар сонсоход таатай байна. Стратегийн түншлэл нийтэд хүртээмжтэй байх ёстой.
АНУ-ын Фулбрайт хөтөлбөрийн судлаач Ким Дьюпон-Мадиниегийн хөгжүүлсэн эрчим хүчний хэмнэлттэй гэртэй танилцлаа. Энэхүү бүтээлч шийдэл нь тус гэр бүлд дулаан, аюулгүй, боломжийн үнэтэй гэрт амьдрах боломж олгохын сацуу агаарын бохирдлыг бууруулж байгааг харахад баяртай байна.
