Шударга өрсөлдөөн, хэрэглэгчийн төлөө газраас Хэрэглэгчийн эрхийг хамгаалах тухай хуулийн хэрэгжилтийг хангуулах ажлын хүрээнд бүтээгдэхүүний хаяг, шошгоны стандарт дэлгүүр, зах, худалдааны төвүүдэд хэр мөрдөгдөж байгаад хяналт, шалгалт хийжээ. Хэрэглэгчийн эрхийг хамгаалах тухай хуульд зааснаар хэрэглэгч барааны талаар үнэн зөв сонголт хийхэд туслах бодит мэдээллээр хангагдах эрхтэй. Энэ эрхийг хангахын тулд үйлдвэрлэгч барааныхаа талаар хэрэглэгчид дор дурдсан мэдээлэл өгнө гэдгийг хуульд зааж өгсөн байдаг ажээ. Үүнд,
7.2.1.үйлдвэрлэгчийн нэр, хаяг, барааны болон бусад таних тэмдэг, таницын тухай код; 7.2.2.барааны зориулалт, хэрэглээний шинж чанар; 7.2.3.барааны орц, найрлага, хадгалах, хэрэглэх арга зүй; 7.2.4.барааны нэр төрөл, үнэ; 7.2.5.барааны хэмжээ, хэмжих нэгж; 7.2.6.барааны баталгаат болон эдэлгээний хугацаа; 7.2.7.барааг зөв хэрэглэх тухай заавар.
