Монгол Улсын Ерөнхий сайд, МАН-ын дарга Ухнаагийн Хүрэлсүхэд БНХАУ-ын дарга, Хятадын Коммунист намын Төв хорооны ерөнхий нарийн бичгийн дарга Ши Жиньпин баярын цахилгаан илгээжээ.
Ши Жиньпин уг цахилгаандаа, Хятад, Монгол улс бол уул уусаараа холбогдсон найрсаг хөршүүд. Ковид-19-ийн халдвар гарснаас хойш хоёр орон халдварын эсрэг хамтран ажиллаж, харилцан туслалцсан, бэрхшээлийг хамтдаа даван туулах гүн зузаан найрамдлыг харууллаа. Эрхэм дарга та дэлхийн хэмжээнд цар тахлын эсрэг Хятад улсын үзүүлсэн хувь нэмрийг өндрөөр үнэлсэн билээ. Хятадын тал Монгол Улс, цаашлаад дэлхийн улс орнуудтай халдвраас урьдчилан сэргийлэх хамтын ажиллагааг үргэлжлүүлэн бэхжүүлэн, хүн төрөлхтний хувь заяаны хамтын цогцыг байгуулахад хүчин зүтгэхэд бэлэн байна гэжээ.
Тэрээр цааш нь, саяхан ХКН байгуулагдсаны 99 жилийн ойн үеэр надад эрхэм дарга та тусгай захиа ирүүлсэн нь Хятад, Монголын хоёр нам, хоёр орны харилцааг та болон Монгол Ардын Намын зүгээс чухалчлан үздэг гэдгийг бүрэн харууллаа. ХКН, МАН-тай шат бүрийн олон салбарын харилцаа хамтын ажиллагааг өргөтгөн, Хятад, Монголын иж бүрэн стратегийн түншлэлийн харилцааг илүү ихээр хөгжүүлж, бүс нутгийн энх тайван, хөгжил цэцэглэлтэд оруулбаас зохих хувь нэмрээ оруулах болно гэжээ.
Ерөнхий сайд У.Хүрэлсүх Ши Жиньпин илгээсэн баярын захидалдаа, ХКН-ын уйгагүй хүчин чармайлтаар Хятад улс Ковид-19-ийн цар тахлын эсрэг амжилттай ажиллаж, өөрийн ард иргэдийнхээ амь насыг хамгаалаад зогсохгүй дэлхий нийтийн ард иргэдийн эрүүл мэндийг хамгаалахад асар их хувь нэмэр оруулсан юм, үүнд миний бие маш их хүндэтгэл илэрхийлж байна гэж тэмдэглэсэн байна.
