Хүнс, хөдөө аж ахуй, хөнгөн үйлдвэрийн сайд Ц.Идэрбат Дэлхийн банкны Хөдөө аж ахуйн ахлах эдийн засагч Артавазд Хакобян болон төсөл хэрэгжүүлэх нэгжийн төлөөллийг хүлээн авч уулзлаа.
Уулзалтаар Японы Нийгмийн Хөгжлийн Сан (JSDF) болон Дэлхийн банкны санхүүжилтээр ХХААХҮЯ-ны хэрэгжүүлж буй “Бэлчээрийн мал аж ахуй эрхлэгч малчдын цахим хоршоо” төслийн хэрэгжилтийн явц,
төслийн хүрээнд хэрэгжүүлж буй “Нэг сум — Нэг мал эмнэлгийн үйлчилгээний нэгж” дэд хөтөлбөрийн биелэлтийн талаар санал солилцов.
Ингэхдээ төслийг төлөвлөсөн хугацаанд нь үр дүнтэй, амжилттай хэрэгжүүлж дуусгахын тулд үлдэж буй ажлуудыг эрэмбэлэх, хэрэгжилтийг эрчимжүүлэх, холбогдох талуудын хамтын ажиллагаа, уялдаа холбоог сайжруулах чиглэлээр санал солилцож, цаашид авч хэрэгжүүлэх арга хэмжээний талаар байр сууриа нэгтгэв.
