Монгол түмний төрт ёс, түүх соёлын үнэт өв болсон Төрийн тахилгат Бурхан Халдун хайрхны тэнгэрийг тахих төрийн ёслолын ажиллагаа XVII жарны “Сүрээр дарагч” хэмээх Гал морь жилийн зуны Хөх морь сарын шинийн 8-ны өдөр буюу 2026 оны 06 дугаар сарын 23-ны өдөр Хамбын эрээн дэх Дурсгалын гэрэлт цогцолборт зохион байгуулагдана.
Тахилгын хүрээнд 06 дугаар сарын 22-23-ны өдрүүдэд бөө мөргөлийн болон бурхны шашны зан үйл, ном хурлууд үйлдэгдэх бөгөөд 06 дугаар сарын 23-ны өдрийн 11:40 цагт Бурхан Халдун хайрхны тэнгэрийг тахих төрийн ёслолын ажиллагаа болно.
Мөн 13:30-14:30 цагийн хооронд Хэнтий аймгийн зүгээс тахилгад хүрэлцэн ирсэн сүсэгтэн олон, иргэдэд Бурхан Халдун хайрхны хишиг хүртээнэ.
Иймд ард иргэд, сүсэгтэн олон та бүхнийг Бурхан Халдун хайрхны тэнгэрийг тахих төрийн ёслолд өргөнөөр оролцож, хийморь сүлдээ сэргээн, нутгийнхаа ариун дагшин хайрханд сэтгэл зүрхээ даатгахын урьж байна.
