ХХААХҮ-ийн сайд Ц.Идэрбат Хангайн бүсийн Хөдөө аж ахуйн үйлдвэрлэл эрхлэгчдийн зөвлөгөөнд оролцох үеэрээ улсын тэргүүний “Түмний буян далай” хоршооны үйл ажиллагаа, бүтээгдэхүүнтэй танилцав. Тус хоршооны махны үйлдвэр хоногт 200-300 бог, 40-50 бод төхөөрөх хүчин чадалтай бөгөөд 2025 онд 9000 гаруй бог, бод төхөөрч Арвайхээр хотын махны нөөцийг бэлтгэжээ
Улсын тэргүүний “Түмний буян далай” хоршооны захирал Ч.Чулуунцэцэг махны үйлдвэрээ танилцуулав. 2012 онд байгуулагдсан тус хоршоо 198 гишүүнтэй. 2021 онд мах боловсруулах үйлдвэрээ ашиглалтад оруулсан. 2022 онд ЖДҮХС-гаас зээл авч үйлдвэрийнхээ тоног төхөөрөмж, технологийг сайжруулсан байна. Мах бэлтгэхээс гадна дайвар бүтээгдэхүүн гүзээ, дэлүү, сархинагийг хатааж боловсруулан таван цулын тан нэртэй бүтээгдэхүүн үйлдвэрлэж зах зээлд худалдаалж байна.
