ОХУ-ын Ерөнхийлөгч Владимир Путин 05 дугаар сарын 20-ны үдэш айлчлалаа өндөрлүүлэн, Бээжингээс хөдөлжээ.
Лхагва гарагийн өглөө БНХАУ, ОХУ-ын төлөөлөгчдийн төгсгөлийн шатны хэлэлцээ болж, 40 гаруй гэрээ, хэлэлцээрт гарын үсэг зурсан байна.
Хоёр талын хэлэлцээний шинэ шатанд иж бүрэн түншлэл, стратегийн хамтын ажиллагааг бэхжүүлэх хамтарсан мэдэгдэлд талууд гарын үсэг зуржээ. Түүнчлэн Ши Жинпинь, Владимир Путин нар олон туйлт ертөнцийн тухай тунхаглал гаргасан байна. Энэ тунхаглалд тусгаар улс орнуудад дарамт шахалт үзүүлэхийг эсэргүүцэж байгаа талаар тусгагджээ.
Айлчлалын үеэр хүрсэн өөр нэг тохиролцоо нь визгүй зорчих журмыг 2027 онд үргэлжлүүлэх, Оросын эрчим хүчний түүхий эдийг БНХАУ-д нийлүүлэх асуудал байв.
Эх сурвалж: Ведомости, Xinhua
