Тавдугаар сарын 20-ны өдөр ОХУ-ын Ерөнхийлөгч Владимир Путин, БНХАУ-ын дарга Ши Жинпинь нар Бээжин хотноо хэлэлцээ хийлээ. Тэд энэ хэлэлцээний үеэр Орос, Хятадын стратегийн хамтын ажиллагаа, худалдаа, эрчим хүчний асуудлуудыг хөндөн ярилцсан байна.
“Хятад-Оросын харилцаа энэ түвшинд хүрсэн шалтгаан нь бид улс төрийн харилцан итгэлцэл, стратегийн түншлэлийг гүнзгийрүүлж чадсан явдал” хэмээн БНХАУ-ын дарга Ши Жинпинь уулзалтын эхэнд мэдэгджээ.
Үүний хариуд Владимир Путин ОХУ, БНХАУ-ын харилцаа дэлхий дахины тогтвортой байдлыг хангахад дэмжлэг болдог хэмээсэн байна. Түүнчлэн Ойрх Дорнод дахь нөхцөл байдлаас үүдэлтэй доголдлын үед ОХУ эрчим хүчний эх үүсвэрийг найдвартай нийлүүлэгч хэвээр байгааг онцолжээ.
Энэ удаагийн айлчлалын үеэр эрчим хүч, тэр дундаа “Сибирийн хүч-2” хийн хоолойн төслийг хөндөн ярилцана гэж шинжээчид таамаглаж байна. Шинжээчдийн үзэж байгаагаар Иран дахь хурцадмал байдлаас үүдэлтэй хомсдол ОХУ-ын талд ашигтайгаар эргэж, тус улс Хятадад урт хугацаанд хий нийлүүлэх төслийг урагшлуулж магадгүй аж. Гэхдээ БНХАУ нэг эх үүсвэрт найдалгүй, нийлүүлэлтийн олон сувагтай болох стратеги баримталж магадгүй гэж шинжээчид үзэж байна.
Эх сурвалж: Ведомости, DW
